havā kī tez-gāmiyoñ kā inkishāf kyā kareñ

jo dosh par liye ho us ke bar-ḳhilāf kyā kareñ

hawa ki tez-gamiyon ka inkishaf kya karen

jo dosh par liye ho us ke bar-KHilaf kya karen

ham aur tum jo badal ga.e to itnī hairat kyā

aks badalte rahte haiñ ā.īnoñ kī ḳhātir

hum aur tum jo badal gae to itni hairat kya

aks badalte rahte hain aainon ki KHatir

kañkar pheñk rahe haiñ ye andāza karne ko

Thahrā paanī kitnī 'humairā' halchal rakhtā hai

kankar phenk rahe hain ye andaza karne ko

Thahra pani kitni 'humaira' halchal rakhta hai

mirī almāriyoñ meñ qīmtī sāmān kaafī thā

magar achchhā lagā us se ka.ī farmā.isheñ karnā

meri almariyon mein qimti saman kafi tha

magar achchha laga us se kai farmaishen karna

vo lamha jab mire bachche ne maañ pukārā mujhe

maiñ ek shāḳh se kitnā ghanā daraḳht huī

wo lamha jab mere bachche ne man pukara mujhe

main ek shaKH se kitna ghana daraKHt hui