tenshan se maregā na corone se maregā

ik shaḳhs tire paas na hone se maregā

tenshan se marega na corone se marega

ek shaKHs tere pas na hone se marega

haath duniyā kā bhī hai dil kī ḳharābī meñ bahut

phir bhī ai dost tirī ek nazar se kam hai

hath duniya ka bhi hai dil ki KHarabi mein bahut

phir bhi ai dost teri ek nazar se kam hai

ab to mushkil hai kisī aur kā honā mire dost

tū mujhe aise huā jaise corona mire dost

ab to mushkil hai kisi aur ka hona mere dost

tu mujhe aise hua jaise corona mere dost

maut kī pahlī alāmat sāhib

yahī ehsās kā mar jaanā hai

maut ki pahli alamat sahib

yahi ehsas ka mar jaana hai

is añdhere meñ jab koī bhī na thā

mujh se gum ho gayā ḳhudā mujh meñ

is andhere mein jab koi bhi na tha

mujh se gum ho gaya KHuda mujh mein