din meñ aane lage haiñ ḳhvāb mujhe

us ne bhejā hai ik gulāb mujhe

din mein aane lage hain KHwab mujhe

us ne bheja hai ek gulab mujhe

kyā batā.ūñ dil meñ kis kī yaad kā

ek kāñTā chubh rahā hai mustaqil

kya bataun dil mein kis ki yaad ka

ek kanTa chubh raha hai mustaqil

kyā batā.ūñ ki kitnī shiddat se

tum se milne ko chāhtā hai jī

kya bataun ki kitni shiddat se

tum se milne ko chahta hai ji

raa.e us par mat karo qaa.em koī

jānte jis ko nahīñ nazdīk se

rae us par mat karo qaem koi

jaante jis ko nahin nazdik se

tum ne rasman mujhe salām kiyā

log kyā kyā gumān kar baiThe

tum ne rasman mujhe salam kiya

log kya kya guman kar baiThe