is āḳhrī ghaḌī meñ bhī bachchoñ ke vāste

dene ko mere paas koī mashvara nahīñ

is aaKHri ghaDi mein bhi bachchon ke waste

dene ko mere pas koi mashwara nahin

ek ik kar ke uḌ ga.e panchhī

ḳhud-girafta chaTān tanhā hai

ek ek kar ke uD gae panchhi

KHud-girafta chaTan tanha hai

pariyoñ ke des vaalī kahānī bhī ḳhuub hai

bachchoñ ko jis ne phir yūñhī bhūkā sulā diyā

pariyon ke des wali kahani bhi KHub hai

bachchon ko jis ne phir yunhi bhuka sula diya

vo hotā jā rahā hai mere aisā

use maiñ us ke jaisā chāhtā huuñ

wo hota ja raha hai mere aisa

use main us ke jaisa chahta hun

uḌtī chiḌiyā kā saayā hai

maiñ samjhā patthar aayā hai

uDti chiDiya ka saya hai

main samjha patthar aaya hai

na kal kī yaad na kal kī umiid baaqī hai

abhī abhī ki abhī bas abhī kā sāmnā hai

na kal ki yaad na kal ki umid baqi hai

abhi abhi ki abhi bas abhi ka samna hai

kis kis jatan se jis ko kiyā thā kabhī shikār

ḳhvāboñ meñ ab bhī chaukḌī bhartā hai vo hiran

kis kis jatan se jis ko kiya tha kabhi shikar

KHwabon mein ab bhi chaukDi bharta hai wo hiran

usī ko DhūñDtā rahtā huuñ jo mujh meñ nihāñ hai

to ab udhḌā paḌā huuñ aur vo jaane kahāñ hai

usi ko DhunDta rahta hun jo mujh mein nihan hai

to ab udhDa paDa hun aur wo jaane kahan hai