hādse se baḌā sāneha ye huā

koī Thahrā nahīñ hādsa dekh kar

hadse se baDa saneha ye hua

koi Thahra nahin hadsa dekh kar

us ke ruḳhsār pe hai aur tire hoñT pe til

tilmilāne kī ijāzat nahīñ dī jā.egī

us ke ruKHsar pe hai aur tere honT pe til

tilmilane ki ijazat nahin di jaegi

mafād-e-qaum se nā-āshnā kirdār se aarī

ye be-peñdī ke loTe haiñ jidhar chāheñ luḌhak jaa.eñ

mafad-e-qaum se na-ashna kirdar se aari

ye be-pendi ke loTe hain jidhar chahen luDhak jaen

phir to tum sar pe uThā loge zamāne-bhar ko

sar uThāne kī ijāzat nahīñ dī jā.egī

phir to tum sar pe uTha loge zamane-bhar ko

sar uThane ki ijazat nahin di jaegi

is se andesha-e-fardā kī jueñ jhaḌtī haiñ

sar khujāne kī ijāzat nahīñ dī jā.egī

is se andesha-e-farda ki juen jhaDti hain

sar khujaane ki ijazat nahin di jaegi

vo close-up to kisī bhī incloser meñ na thā

apne T.V par jo ham ho kar magan dekhā kiye

wo close-up to kisi bhi incloser mein na tha

apne TV par jo hum ho kar magan dekha kiye

yahāñ 'ināyat' aap ko mushā.eron kī daad ne

chaḌhā diyā hai baañs par mazāq hī mazāq meñ

yahan 'inayat' aap ko mushaeron ki dad ne

chaDha diya hai bans par mazaq hi mazaq mein

ye ho saktā nahīñ kyuuñ paas āḳhir

mirā beTā sharī.at bill nahīñ hai

ye ho sakta nahin kyun pas aaKHir

mera beTa shariat bill nahin hai