bahut hairat-zada hai aa.ina bhī

ki chehre par koī chehra nahīñ hai

bahut hairat-zada hai aaina bhi

ki chehre par koi chehra nahin hai

niiñd mat DhūñD merī āñkhoñ meñ

silvaTeñ dekh mere bistar par

nind mat DhunD meri aankhon mein

silwaTen dekh mere bistar par

us ko matlab kā jab milā mausam

rang us ke the dekhne vaale

us ko matlab ka jab mila mausam

rang us ke the dekhne wale

tū bhī dekhegā zarā rang utar leñ tere

ham hī rakhte haiñ tujhe yaad ki sab rakhte haiñ

tu bhi dekhega zara rang utar len tere

hum hi rakhte hain tujhe yaad ki sab rakhte hain

kyoñ mirī dāstāñ kā hissa haiñ

jo mirī dāstāñ ke the hī nahīñ

kyon meri dastan ka hissa hain

jo meri dastan ke the hi nahin

ye us ke lams kā jaadū nahīñ to phir kyā hai

havā ne chūmā hai mujh ko gale milī hai shaam

ye us ke lams ka jadu nahin to phir kya hai

hawa ne chuma hai mujh ko gale mili hai sham

aisā huuñ bad-gumān ki dastak to us ne dī

lekin mirā ḳhayāl havā kī taraf gayā

aisa hun bad-guman ki dastak to us ne di

lekin mera KHayal hawa ki taraf gaya

ye gavāhī tire safar kī hai

ye thakan kyoñ utārtā hai miyāñ

ye gawahi tere safar ki hai

ye thakan kyon utarta hai miyan

sulūk aisā nahīñ us kā phir bhī jaane kyoñ

vo yaad aa.e to dil se duā nikaltī hai

suluk aisa nahin us ka phir bhi jaane kyon

wo yaad aae to dil se dua nikalti hai

mohabbat aisā darvāza hai 'ḳhāvar'

har ik dastak pe jo khultā nahīñ hai

mohabbat aisa darwaza hai 'KHawar'

har ek dastak pe jo khulta nahin hai

iz.hār kī ye bhī sūrat thī

ḳhāmoshī ko fariyād kiyā

izhaar ki ye bhi surat thi

KHamoshi ko fariyaad kiya

tum ne bahtā dariyā dekhā aur maiñ ne

paanī par ik aks Thaharte dekhā hai

tum ne bahta dariya dekha aur main ne

pani par ek aks Thaharte dekha hai

aa.ine par koī tohmat na dharo

ḳhāl-o-ḳhad apne sañvāro sāhab

aaine par koi tohmat na dharo

KHal-o-KHad apne sanwaro sahab

kaise kaise moḌ aa.e

umr kī ek kahānī meñ

kaise kaise moD aae

umr ki ek kahani mein

ik tire ishq ke havāle se

kaam kitne yahāñ nikal aa.e

ek tere ishq ke hawale se

kaam kitne yahan nikal aae

bahut vo saath rahā hai bahut hai yaad mujhe

use bhulāne ko 'ḳhāvar' ye zindagī kam hai

bahut wo sath raha hai bahut hai yaad mujhe

use bhulane ko 'KHawar' ye zindagi kam hai

merī vahshat to miyāñ mujh meñ thī

ye jo sahrā hai kahāñ thā pahle

meri wahshat to miyan mujh mein thi

ye jo sahra hai kahan tha pahle

khulā thā lafz bhī jādū-misāl hote haiñ

vo jab gulāb huā thā gulāb kahne se

khula tha lafz bhi jadu-misal hote hain

wo jab gulab hua tha gulab kahne se