جعفر طاہر کا شمار ان شاعروں میں ہوتا ہے جنہوں نے غزل کو اس کے محدود روایتی دائرے سے نکال کر ایک تازہ تر تخلیقی اظہار کی صنف کے طور پر برتا ہے ۔ ان کی غزلیں اپنے موضوعات اور ڈکشن کے لحاظ سے ان کے ثروت مند تخلیقی تجربے کا پتہ دیتی ہیں ۔ جعفر طاہر کی پیدائش 19 مارچ 1917 کو جھنگ (پاکستان) کے ایک سادات گھرانے میں ہوئی ۔ ابتدائی تعلیم علاقائی اسکول میں حاصل کی ، پرائیویٹ طور بی اے کیا اور فوج میں بھرتی ہوگئے۔ 1966 میں فوج کی ملازمت سے سبکدوش ہونے کے بعد ریڈیو پاکستان راولپنڈٰی سے وابستگی اختیار کی۔