Jameeluddin Aali's Photo'

Jameeluddin Aali

1925 - 2015 | Karachi, Pakistan

Famous for writing Dohas.

Famous for writing Dohas.

urdu vaale hindī vaale donoñ hañsī uḌā.eñ

ham dil vaale apnī bhāshā kis kis ko sikhlā.eñ

urdu wale hindi wale donon hansi uDaen

hum dil wale apni bhasha kis kis ko sikhlaen

har ik baat meñ Daale hai hindū muslim baat

ye jaane alhaḌ gorī prem hai ḳhud ik zaat

har ek baat mein Dale hai hindu muslim ki baat

ye na jaane alhaD gori prem hai KHud ek zat

'ālī' ab ke kaThin paḌā dīvālī tyauhār

ham to ga.e the chailā ban kar bhayyā kah ga.ī naar

'ali' ab ke kaThin paDa diwali ka tyauhaar

hum to gae the chaila ban kar bhayya kah gai nar

dariyā dariyā ghūme māñjhī peT aag bujhāne

peT aag meñ jalne vaalā kis kis ko pahchāne

dariya dariya ghume manjhi peT ki aag bujhane

peT ki aag mein jalne wala kis kis ko pahchane

sājan ham se mile bhī lekin aise mile ki haa.e

jaise sūkhe khet se bādal bin barse uḌ jaa.e

sajan hum se mile bhi lekin aise mile ki hae

jaise sukhe khet se baadal bin barse uD jae

burqā-posh paThānī jis laaj meñ sau sau ruup

khul ke na dekhī phir bhī dekhī ham ne chhāñv meñ dhuup

burqa-posh paThani jis ki laj mein sau sau rup

khul ke na dekhi phir bhi dekhi hum ne chhanw mein dhup

koī us se bhaag sake aur koī us ko paa.e

aap ghaao lagā.e samay aur aap bharne aa.e

na koi us se bhag sake aur na koi us ko pae

aap hi ghao lagae samay aur aap hi bharne aae

kachche mahl raanī aa.ī raat hamāre paas

hoñT pe lākhā gaal pe laalī āñkheñ bahut udaas

kachche mahl ki rani aai raat hamare pas

honT pe lakha gal pe lali aankhen bahut udas

pahle kabhī nahīñ guzrī thī jo guzrī is shaam

sab kuchh bhuul chuke the lekin yaad rahā ik naam

pahle kabhi nahin guzri thi jo guzri is sham

sab kuchh bhul chuke the lekin yaad raha ek nam

niiñd ko roknā mushkil thā par jaag ke kaaTī raat

sote meñ aa jaate vo to nīchī hotī baat

nind ko rokna mushkil tha par jag ke kaTi raat

sote mein aa jate wo to nichi hoti baat

bābū-gīrī karte ho ga.e 'ālī' ko do saal

murjhāyā vo phuul chehra bhūre paḌ ga.e baal

babu-giri karte ho gae 'ali' ko do sal

murjhaya wo phul sa chehra bhure paD gae baal

dhīre dhīre kamar saḳhtī kursī ne chaaT

chupke chupke man shaktī afsar ne kaaT

dhire dhire kamar ki saKHti kursi ne li chaT

chupke chupke man ki shakti afsar ne di kaT

shahr meñ charchā aam huā hai saath the ham ik shaam

mujhe bhī jāneñ tujhe bhī jāneñ log kareñ bad-nām

shahr mein charcha aam hua hai sath the hum ek sham

mujhe bhi jaanen tujhe bhi jaanen log karen bad-nam

ik gahrā sunsān samundar jis ke laakh bahāo

taḌap rahī hai us ik ik mauj pe jīvan-nāv

ek gahra sunsan samundar jis ke lakh bahao

taDap rahi hai us ki ek ek mauj pe jiwan-naw

roz ik mahfil aur har mahfil nāriyoñ se bharpūr

paas bhī hoñ to jaan ke baiTheñ 'ālī' sab se duur

roz ek mahfil aur har mahfil nariyon se bharpur

pas bhi hon to jaan ke baiThen 'ali' sab se dur

pyaar kare aur siskī bhare phir siskī bhar kar pyaar

kyā jaane kab ik ik kar ke bhaag ga.e sab yaar

pyar kare aur siski bhare phir siski bhar kar pyar

kya jaane kab ek ek kar ke bhag gae sab yar

ek bidesī naar mohnī sūrat ham ko bhaa.ī

aur vo pahlī naar thī bhayyā jo niklī harjā.ī

ek bidesi nar ki mohni surat hum ko bhai

aur wo pahli nar thi bhayya jo nikli harjai

roTī jis bhīnī ḳhushbū hai hazāroñ raag

nahīñ mile to tan jal jaa.e mile to jīvan aag

roTi jis ki bhini KHushbu hai hazaron rag

nahin mile to tan jal jae mile to jiwan aag

is dīvānī dauḌ meñ bach bach jaatā thā har baar

ik dohā so ise bhī le ḳhush rah yaar

is diwani dauD mein bach bach jata tha har bar

ek doha so ise bhi le ja tu hi KHush rah yar

dohe kabit kah kah kar 'ālī' man aag bujhā.e

man aag bujhī na kisī se use ye kaun batā.e

dohe kabit kah kah kar 'ali' man ki aag bujhae

man ki aag bujhi na kisi se use ye kaun batae

'sūr' 'kabīr' 'bihārī' 'mīrā' 'rahiman' 'tulsī-dās'

sab sevā par 'ālī' ga.ī na man pyaas

'sur' 'kabir' 'bihaari' 'mira' 'rahiman' 'tulsi-das'

sab ki sewa ki par 'ali' gai na man ki pyas