کبیر حالاتی اصل نام ٹھاکر دیپک گہلوت دہلی سے تعلق رکھنے والے شاعر، نغمہ نگار، گلوکار اور سیاسی رہنما ہیں۔ وہ ہندی-اردو شاعری، غزل اور مشاعروں میں اپنی پُرسوز اور دل نشیں پیش کش کے لیے جانے جاتے ہیں۔ انہوں نے 2008 کے آس پاس باقاعدہ شاعری کا آغاز کیا اور غزل کی کلاسیکی روایت، عروض، قافیہ اور ردیف کی پابندی کے ساتھ عصری موضوعات کو اپنے کلام کا حصہ بنایا۔ محبت، ہجر، باطنی کشمکش اور سماجی مشاہدات ان کی شاعری کے نمایاں موضوعات ہیں۔ وہ سات سو سے زائد نغمات لکھ اور گا چکے ہیں۔ ان کے شعری سفر میں جناب واصف فاروقی اور رام پرکاش بے خود کی رہنمائی کو بھی اہم مقام حاصل ہے۔ وہ ادبی و ثقافتی تقریبات اور مشاعروں میں باقاعدگی سے شرکت کرتے ہیں۔