dil lene ke andāz bhī kuchh siikh gayā huuñ

sohbat meñ hasīnoñ kī bahut roz rahā huuñ

dil lene ke andaz bhi kuchh sikh gaya hun

sohbat mein hasinon ki bahut roz raha hun

ham aap ko dekhte the pahle

ab aap kī raah dekhte haiñ

hum aap ko dekhte the pahle

ab aap ki rah dekhte hain

raqīb donoñ jahāñ meñ zalīl kyuuñ hotā

kisī ke biich meñ kam-baḳht agar nahīñ aatā

raqib donon jahan mein zalil kyun hota

kisi ke bich mein kam-baKHt agar nahin aata

sub.h ko khul jā.egā donoñ meñ kyā yārāna hai

sham.a parvāna kī hai yā sham.a kā parvāna hai

subh ko khul jaega donon mein kya yarana hai

shama parwana ki hai ya shama ka parwana hai

vahī nazar meñ hai lekin nazar nahīñ aatā

samajh rahā huuñ samajh meñ magar nahīñ aatā

wahi nazar mein hai lekin nazar nahin aata

samajh raha hun samajh mein magar nahin aata