apnā jiinā ek dhokā apnā marnā ik fareb

zindagī se zindagī kī tarjumānī ho to kyā

apna jina ek dhoka apna marna ek fareb

zindagi se zindagi ki tarjumani ho to kya

kuchh nahīñ hai tire hāthoñ meñ lakīroñ ke sivā

baat nāseh kī hai lekin ḳhat-e-taqdīr bhī hai

kuchh nahin hai tere hathon mein lakiron ke siwa

baat naseh ki hai lekin KHat-e-taqdir bhi hai

sard ho saktā nahīñ sargarm insāñ kā lahū

hādisāt-e-nau-ba-nau meñ zindagānī ho to kyā

sard ho sakta nahin sargarm insan ka lahu

hadisat-e-nau-ba-nau mein zindagani ho to kya

chheḌtī hai mujhe aa aa ke mirī āzādī

go maiñ qaidī huuñ mire paañv meñ zanjīr bhī hai

chheDti hai mujhe aa aa ke meri aazadi

go main qaidi hun mere panw mein zanjir bhi hai

kahīñ girī to hai bijlī zarā nazar kiije

kisī ġharīb kī palTī huī duā to nahīñ

kahin giri to hai bijli zara nazar kije

kisi gharib ki palTi hui dua to nahin