ik 'muzaffar'-gaḌhī ke hāthoñ se kār-nāma huā hai lā-sānī

jis kī taḳhlīq naġhma-e-sahrā naam 'kashfī' ba-urf 'multānī'

ek 'muzaffar'-gaDhi ke hathon se kar-nama hua hai la-sani

jis ki taKHliq naghma-e-sahra nam 'kashfi' ba-urf 'multani'

'kashfī' ko koī pūchhne aa.e to dosto

kahnā ki chand sher sunā kar chale ga.e

'kashfi' ko koi puchhne aae to dosto

kahna ki chand sher suna kar chale gae

terī āñkheñ haiñ ki āhū-e-ḳhutan kī āñkheñ

mahv-e-hairat thiiñ javānān-e-chaman kī āñkheñ

teri aankhen hain ki aahu-e-KHutan ki aankhen

mahw-e-hairat thin jawanan-e-chaman ki aankhen

thak thak ke tirī raah meñ yuuñ baiTh gayā huuñ

goyā ki bas ab mujh se safar ho nahīñ saktā

thak thak ke teri rah mein yun baiTh gaya hun

goya ki bas ab mujh se safar ho nahin sakta

zamāna aayā kuchh aisā ki ab to har ghar meñ

laTak rahī hai masarrat nazīr kī tasvīr

zamana aaya kuchh aisa ki ab to har ghar mein

laTak rahi hai masarrat nazir ki taswir