اور تھوڑا سا بکھر جاؤں یہی ٹھانی ہے

زندگی میں نے ابھی ہار کہاں مانی ہے

بہت اداس ہیں دیواریں اونچے محلوں کی

یہ وہ کھنڈر ہیں کہ جن میں امیر رہتے ہیں

خود کو کبھی میں پا نہ سکا

جانے کتنا گہرا ہوں

لفظوں کے ہیر پھیر سے بنتی نہیں غزل

شعروں میں تھوڑی گرمئ جذبات بھی تو ہو

کٹتی ہے شب وصال کی پلکیں جھپکتے ہی

جس کی صبح نہ ہو کبھی وہ رات بھی تو ہو

غم اٹھاتا ہوں غزل کہتا ہوں جیتا رہتا ہوں

لوگ کہتے ہیں کہ اک دن میرؔ ہو جاؤں گا میں

جی چاہتا ہے ترک محبت کو بار بار

آتا ہے ایک ایسا بھی لمحہ وصال میں

گرچہ ہلکا سا دھندلکا ہے تصور بھی ترا

بند آنکھوں کو یہ منظر بھی بہت لگتا ہے