Lal Chand Falak's Photo'

Lal Chand Falak

1887 - 1967 | Delhi, India

dil se niklegī na mar kar bhī vatan ulfat

merī miTTī se bhī ḳhushbū-e-vafā aa.egī

dil se niklegi na mar kar bhi watan ki ulfat

meri miTTi se bhi KHushbu-e-wafa aaegi

bhārat ke ai sapūto himmat dikhā.e jaao

duniyā ke dil pe apnā sikka biThā.e jaao

bhaarat ke ai saputo himmat dikhae jao

duniya ke dil pe apna sikka biThae jao

ai hindūo musalmāñ aapas meñ in dinoñ tum

nafrat ghaTā.e jaao ulfat baḌhā.e jaao

ai hinduo musalman aapas mein in dinon tum

nafrat ghaTae jao ulfat baDhae jao

tan-man miTā.e jaao tum nām-e-qaumiyat par

rāh-e-vatan par apnī jāneñ laḌā.e jaao

tan-man miTae jao tum nam-e-qaumiyat par

rah-e-watan par apni jaanen laDae jao