noImage

Mahfuzur Rahman Adil

849
Favorite

SORT BY

vaqt gardishoñ ġham na karo

hausle mushkiloñ meñ palte haiñ

waqt ki gardishon ka gham na karo

hausle mushkilon mein palte hain

mat baiTh āshiyāñ meñ paroñ ko sameT kar

kar hausla kushāda fazā meñ uḌaan

mat baiTh aashiyan mein paron ko sameT kar

kar hausla kushada faza mein uDan ka

sāmne maañ ke jo hotā huuñ to allāh allāh

mujh ko mahsūs ye hotā hai ki bachcha huuñ abhī

samne man ke jo hota hun to allah allah

mujh ko mahsus ye hota hai ki bachcha hun abhi

tirī aql gum tujhe kar na de rah-e-zindagī meñ sambhal ke chal

gumāñ had na talāsh kar ki kahīñ bhī hadd-e-gumāñ nahīñ

teri aql gum tujhe kar na de rah-e-zindagi mein sambhal ke chal

tu guman ki had na talash kar ki kahin bhi hadd-e-guman nahin

vo lāla-badan jhiil meñ utrā nahīñ varna

sho.ale mutavātir isī paanī se nikalte

wo lala-badan jhil mein utra nahin warna

shoale mutawatir isi pani se nikalte

dekh lenā ek din be-roz-gārī azaab

chhīn kar chehroñ saarī dilkashī le jā.egā

dekh lena ek din be-roz-gari ka azab

chhin kar chehron ki sari dilkashi le jaega

mujh ko shauq-e-justujū-e-kā.enāt

ḳhaak se 'ādil' ḳhalā tak le gayā

mujh ko shauq-e-justuju-e-kaenat

KHak se 'adil' KHala tak le gaya

zindagī ko hausla dene ke ḳhātir

ḳhvāhishoñ ko reza reza chun rahā huuñ

zindagi ko hausla dene ke KHatir

KHwahishon ko reza reza chun raha hun

tumhārī mast āñkhoñ tasavvur

mirī tauba se Takrāne lagā hai

tumhaari mast aankhon ka tasawwur

meri tauba se Takrane laga hai

ab tak isī muamme meñ uljhā huā huuñ maiñ

laa.ī hai zindagī mujhe kyuuñ is jahān tak

ab tak isi muamme mein uljha hua hun main

lai hai zindagi mujhe kyun is jahan tak

jannateñ to peshvāoñ ne mil kar baañT liiñ

ham ko uljhāyā gayā hai dozaḳhoñ ke darmiyāñ

jannaten to peshwaon ne hi mil kar banT lin

hum ko uljhaya gaya hai dozaKHon ke darmiyan

aap nūr-afshāñ haiñ raat ke añdhere meñ

sitāre raqsāñ haiñ raat ke añdhere meñ

aap nur-afshan hain raat ke andhere mein

ya sitare raqsan hain raat ke andhere mein

ek din vo zarroñ ko āftāb kar leñge

dhuup ke jo ḳhvāhāñ haiñ raat ke añdhere meñ

ek din wo zarron ko aaftab kar lenge

dhup ke jo KHwahan hain raat ke andhere mein

hamesha dhuup chādar pe takiya kaun kartā hai

khulī chhat hai to phir barsāt bhī sāmnā hogā

hamesha dhup ki chadar pe takiya kaun karta hai

khuli chhat hai to phir barsat ka bhi samna hoga

ab sar-e-ām judā hote haiñ sar shānoñ se

ab ye manzar hai ta.ajjub na hairānī

ab sar-e-am juda hote hain sar shanon se

ab ye manzar hai tajjub ka na hairani ka

tumhāre baḳhshe hue āñsuoñ ke qatroñ se

shab-e-firāq meñ taare sajā rahā huuñ maiñ

tumhaare baKHshe hue aansuon ke qatron se

shab-e-firaq mein tare saja raha hun main

baat to jab hai fasl-e-junūñ meñ dīvāne to dīvāne

ahl-e-ḳhirad bhī raqs kareñ zanjīroñ jhankāroñ par

baat to jab hai fasl-e-junun mein diwane to diwane

ahl-e-KHirad bhi raqs karen zanjiron ki jhankaron par

jo terī zulf ke saa.e meñ chand din guzre

vo ġham dhuup meñ yaad aa.e sā.ebāñ tarah

jo teri zulf ke sae mein chand din guzre

wo gham ki dhup mein yaad aae saeban ki tarah

merā zāhir dekhne vaale mirā bātin bhī dekh

ghar ke bāhar hai ujālā ghar ke andar kuchh nahīñ

mera zahir dekhne wale mera baatin bhi dekh

ghar ke bahar hai ujala ghar ke andar kuchh nahin

havā ke rahm-o-karam par huuñ be-Thikāna huuñ

shajar se TuuTā huā ek zard pattā huuñ

hawa ke rahm-o-karam par hun be-Thikana hun

shajar se TuTa hua ek zard patta hun

āftāb-e-garm se dast-o-garebāñ ho ga.e

dhuup shiddat se saa.e jab pareshāñ ho ga.e

aaftab-e-garm se dast-o-gareban ho gae

dhup ki shiddat se sae jab pareshan ho gae

usī ne baḳhshā hai mujh ko shu.ūr jiine

jo mushkiloñ ghaḌī baar baar aa.ī hai

usi ne baKHsha hai mujh ko shuur jine ka

jo mushkilon ki ghaDi bar bar aai hai

parat parat tirā chehra sajā rahā huuñ maiñ

ye ittifāq ki haiñ ghar meñ aa.ine TuuTe

parat parat tera chehra saja raha hun main

ye ittifaq ki hain ghar mein aaine TuTe

qaidī banā ke rakkhā hai us ne tamām umr

mujh ko hisār-e-jāñ se nikalne nahīñ diyā

qaidi bana ke rakkha hai us ne tamam umr

mujh ko hisar-e-jaan se nikalne nahin diya

kyuuñ zamāna badaltā hai tujhe

zamāne ko badaltā kyuuñ nahīñ

kyun zamana hi badalta hai tujhe

tu zamane ko badalta kyun nahin

be-libāsī mirī tauqīr baa.is Thahrī

bol-bālā hai bahut shahar meñ uryānī

be-libasi meri tauqir ka bais Thahri

bol-baala hai bahut shahar mein uryani ka

vo jagā kar ham ko sab ḳhush-manzarī le jā.egā

ḳhvāb kyā hai ḳhvāb tābīr bhī le jā.egā

wo jaga kar hum ko sab KHush-manzari le jaega

KHwab kya hai KHwab ki tabir bhi le jaega

ab use apnī shabāhat bhī guzartī hai girāñ

ghar ke andar koī shīsha nahīñ rahne detā

ab use apni shabahat bhi guzarti hai giran

ghar ke andar koi shisha nahin rahne deta

ye bhī hai maarā huā saaqī chashm-e-nāz

is liye 'ādil' ko shīshe parī achchhī lagī

ye bhi hai mara hua saqi ki chashm-e-naz ka

is liye 'adil' ko shishe ki pari achchhi lagi

bhūlī-bisrī dāstāñ mujh ko na samjho

maiñ na.ī pahchān ik vāsta huuñ

bhuli-bisri dastan mujh ko na samjho

main nai pahchan ka ek wasta hun

un safīnoñ tabāhī meñ hai ibrat sabaq

jo kināre tak pahuñch kar nazr-e-tūfāñ ho ga.e

un safinon ki tabahi mein hai ibrat ka sabaq

jo kinare tak pahunch kar nazr-e-tufan ho gae

shāḳh se gir kar havā ke saath saath

kis taraf ye zard pattā jā.egā

shaKH se gir kar hawa ke sath sath

kis taraf ye zard patta jaega

shabnamī qatre gul-e-lāla pe the raqs-kunāñ

barf ke TukḌe bhī dekhe ga.e añgāroñ meñ

shabnami qatre gul-e-lala pe the raqs-kunan

barf ke TukDe bhi dekhe gae angaron mein

mere talvoñ ke lahū se hogī raushan har jihat

rah-ravān-e-rāh-e-manzil hoñge shashdar dekhnā

mere talwon ke lahu se hogi raushan har jihat

rah-rawan-e-rah-e-manzil honge shashdar dekhna

ḳhud mire aañsū chamak rakhte haiñ gauhar tarah

merī chashm-e-ārzū meñ māh-o-aḳhtar kuchh nahīñ

KHud mere aansu chamak rakhte hain gauhar ki tarah

meri chashm-e-arzu mein mah-o-aKHtar kuchh nahin

vo mirī āvāragardī vo mirā dīvāna-pan

vo mirī ta.azīm meñ dīvār-o-dar jāgnā

wo meri aawaragardi wo mera diwana-pan

wo meri tazim mein diwar-o-dar ka jagna