یہ اور بات کہ چاہت کے زخم گہرے ہیں

تجھے بھلانے کی کوشش تو ورنہ کی ہے بہت

بس ایک اپنے ہی قدموں کی چاپ سنتا ہوں

میں کون ہوں کہ بھرے شہر میں بھی تنہا ہوں

اس کو دیکھا تو یہ محسوس ہوا

ہم بہت دور تھے خود سے پہلے

کتنے چہرے کتنی شکلیں پھر بھی تنہائی وہی

کون لے آیا مجھے ان آئینوں کے درمیاں

اونے پونے غزلیں بیچیں نظموں کا بیوپار کیا

دیکھو ہم نے پیٹ کی خاطر کیا کیا کاروبار کیا

ایک جنگل جس میں انساں کو درندوں سے ہے خوف

ایک جنگل جس میں انساں خود سے ہی سہما ہوا

چاندنی شب تو جس کو ڈھونڈنے آئی ہے

یہ کمرہ وہ شخص تو کب کا چھوڑ گیا