مہتاب ظفر نام اور مہتاب تخلص تھا۔یکم جون۱۹۳۱ء کو بدایوں(بھارت) میں پیدا ہوئے۔ علی گڑھ یونیورسٹی سے بی اے کیا۔ جام نوائی کے زیر تربیت اور بدایوں کے عام ادبی ماحول کے سبب زمانۂ طالب علمی ہی سے شعروشاعری کا شوق پیدا ہوگیا تھا۔ ملازمت کے سلسلے میں بغداد اور پھر تقریباً دس سال انقرہ(ترکی) میں قیام رہا۔ ۱۹۶۹ء میں ترکی سے واپس آئے اور وزارت داخلہ میں بطور سیکشن افسر کام کرنے لگے۔ اسلام آباد سے کراچی تبادلہ ہونے کے بعد مستقل طور پر وہیں سکونت اختیار کی۔ ۲۲؍اکتوبر ۱۹۹۲ ء کو کراچی میں انتقال کرگئے۔ ان کا کوئی شعری مجموعہ تا حال شائع نہیں ہوا۔ بحوالۂ:پیمانۂ غزل(جلد دوم)،محمد شمس الحق،صفحہ:255