ik haath meñ mere chaa.e kā cup ik haath meñ mere haath tirā

hāthoñ ko talab hai hāthoñ kī aur dil ko talab hai saath tirā

ek hath mein mere chae ka cup ek hath mein mere hath tera

hathon ko talab hai hathon ki aur dil ko talab hai sath tera

ulfat to dekhiye mirī dīdār ke sabab

darvesh ban ke yaar kī chaukhaT pe aa gayā

ulfat to dekhiye meri didar ke sabab

darwesh ban ke yar ki chaukhaT pe aa gaya

zavāl ye hai ki ham zindagī se haar ga.e

kamāl ye hai ki ham zindagī guzār ga.e

zawal ye hai ki hum zindagi se haar gae

kamal ye hai ki hum zindagi guzar gae

apne hāthoñ ko chūmtā hogā

terī zulfeñ sañvārne vaalā

apne hathon ko chumta hoga

teri zulfen sanwarne wala

ek muddat se niiñd taarī hai

ek muddat se so nahīñ paa.e

ek muddat se nind tari hai

ek muddat se so nahin pae

hai muqaddar meñ zuleḳhā se judā.ī shāyad

ḳhvāb meñ misr ke bāzār nazar aate haiñ

hai muqaddar mein zuleKHa se judai shayad

KHwab mein misr ke bazar nazar aate hain

ġhurbat ne chhīn liiñ mere chehre kī raunaqeñ

yuuñ to kisī amiir se kamtar nahīñ huuñ maiñ

ghurbat ne chhin lin mere chehre ki raunaqen

yun to kisi amir se kamtar nahin hun main

yaqīn jāniye tab jā ke pyaar hotā hai

kisī ke zehn pe jab dil savār hotā hai

yaqin jaaniye tab ja ke pyar hota hai

kisi ke zehn pe jab dil sawar hota hai

sunā hai tāliyāñ bajtī haiñ us kī aamad par

sunā hai log gharoñ se nikal ke dekhte haiñ

suna hai taliyan bajti hain us ki aamad par

suna hai log gharon se nikal ke dekhte hain

vaqt ke paañv bhī nahīñ mehvar

aur raftār bhī ġhazab kī hai

waqt ke panw bhi nahin mehwar

aur raftar bhi ghazab ki hai

aap ne eid mubārak to kahā hai lekin

aap ne eid manāne kī ijāzat nahīñ dī

aap ne eid mubarak to kaha hai lekin

aap ne eid manane ki ijazat nahin di

muskurātā huuñ to rotā hai mirā zaḳhm-e-jigar

rone lagtā huuñ to hoñToñ ko chubhan hotī hai

muskuraata hun to rota hai mera zaKHm-e-jigar

rone lagta hun to honTon ko chubhan hoti hai

aaj gar bole nahīñ haq baat par

kal sitam hoñge tumhārī zaat par

aaj gar bole nahin haq baat par

kal sitam honge tumhaari zat par

hai muqaddar meñ zuleḳhā se judā.ī shāyad

ḳhvāb meñ misr ke bāzār nazar aate haiñ

hai muqaddar mein zuleKHa se judai shayad

KHwab mein misr ke bazar nazar aate hain

kū-e-jānāñ se apnī sāñsoñ par

dil kī mayyat uThā ke le aa.e

ku-e-jaanan se apni sanson par

dil ki mayyat uTha ke le aae

nafratoñ kā ilaaj karnā hai

kuchh mohabbat atā karo jānāñ

nafraton ka ilaj karna hai

kuchh mohabbat ata karo jaanan

shaiḳh jī masjid meñ jaao mai-kade ko chhoḌ do

chaar din kī chāñdnī hai phir añdherī raat hai

shaiKH ji masjid mein jao mai-kade ko chhoD do

chaar din ki chandni hai phir andheri raat hai

tark-e-ta.alluqāt pe raazī nahīñ huuñ maiñ

ya.anī tumhārī baat pe raazī nahīñ huuñ maiñ

tark-e-talluqat pe raazi nahin hun main

yani tumhaari baat pe raazi nahin hun main

kuchh to ḳhayāl kar mirī umr-e-darāz kā

sadiyāñ guzar ga.ī haiñ tire intizār meñ

kuchh to KHayal kar meri umr-e-daraaz ka

sadiyan guzar gai hain tere intizar mein

is liye ḳhaak se ulfat hai ki ḳhaak honā hai

ye rivāyat nahīñ aayat hai ki ḳhaak honā hai

is liye KHak se ulfat hai ki KHak hona hai

ye riwayat nahin aayat hai ki KHak hona hai