baat karnā hai karo sāmne itrāo nahīñ

jo nahīñ jānte us baat ko samjhāo nahīñ

baat karna hai karo samne itrao nahin

jo nahin jaante us baat ko samjhao nahin

hoñT kī surḳhī jhāñk uThtī hai shīshe ke paimānoñ se

miTTī ke bartan meñ paanī pī kar pyaas bujhāyā kar

honT ki surKHi jhank uThti hai shishe ke paimanon se

miTTi ke bartan mein pani pi kar pyas bujhaya kar

lohe aur patthar kī saarī tasvīreñ miT jā.eñgī

kāġhaz ke parde par ham ne sab ke ruup jamā.e haiñ

lohe aur patthar ki sari taswiren miT jaengi

kaghaz ke parde par hum ne sab ke rup jamae hain

'mājid' ne bairāg liyā hai koī aisī baat nahīñ

idhar udhar kī bāteñ kar ke logoñ ko samjhāyā kar

'majid' ne bairag liya hai koi aisi baat nahin

idhar udhar ki baaten kar ke logon ko samjhaya kar

mujhī se pūchh rahā thā mirā patā koī

butoñ ke shahr meñ maujūd thā ḳhudā koī

mujhi se puchh raha tha mera pata koi

buton ke shahr mein maujud tha KHuda koi