ترشنکو

تنو ایک ایسے روشن خیال اور ماڈرن گھرانے سے تعلق رکھتی ہے جس کے والدین نے لو میرج کی ہے اور اس کی والدہ اس لو میرج کے سلسلے میں نانا کی مخالفت اور اپنے مکالموں کو اتنی بار دوہرا چکی ہیں کہ تنو کو ازبر ہو گئے ہیں۔ پڑوس میں رہنے والے کچھ طالب علم جب تنو پر پھبتیاں کستے ہیں تو ممی ان کو اپنے گھر بلا کر تنو کی دوستی کرا دیتی ہیں لیکن جب تنو اور شیکھر کے معاملات بڑھنے لگتے ہیں تو ممی ایک دم سے نانا بن جاتی ہیں لیکن ان کا دوسرا پہلو یہ بھی ہے کہ سختی کرنے کے بعد ایک دم نرم پڑ جاتی ہیں۔ شیکھر اور ان کے دوست گھر آتے ہیں تو ممی پاپا اس طرح ملتے ہیں جیسے کچھ ہوا ہی نہ ہو۔ تنو سوچتی ہے کہ کاش ممی سو فیصد نانا ہوتیں۔۔۔