sard ThiThurī huī lipTī huī sarsar kī tarah

zindagī mujh se milī pichhle december kī tarah

sard ThiThuri hui lipTi hui sarsar ki tarah

zindagi mujh se mili pichhle december ki tarah

bārisheñ us kā lab-o-lahja pahan letī thiiñ

shor kartī thī vo barsāt meñ jhāñjhar kī tarah

barishen us ka lab-o-lahja pahan leti thin

shor karti thi wo barsat mein jhanjhar ki tarah

bas ek raat se kaise thakan utartī hai

badan ko chāhiye ārām kuchh ziyāda hī

bas ek raat se kaise thakan utarti hai

badan ko chahiye aaram kuchh ziyaada hi

vo tirā ūñchī havelī ke qafas meñ rahnā

yaad aa.e to parindoñ ko rihā kartā huuñ

wo tera unchi haweli ke qafas mein rahna

yaad aae to parindon ko riha karta hun

tujh aisī narm garm ka.ī laḌkiyoñ ke saath

maiñ ne shab-e-firāq Dubo dī sharāb meñ

tujh aisi narm garm kai laDkiyon ke sath

main ne shab-e-firaq Dubo di sharab mein

aa girā zinda shamshān meñ lakḌiyoñ kā dhuāñ dekh kar

ik musāfir parinda ka.ī sard rātoñ kā maarā huā

aa gira zinda shamshan mein lakDiyon ka dhuan dekh kar

ek musafir parinda kai sard raaton ka mara hua

tire bhulāne meñ merā qusūr itnā hai

ki paḌ ga.e the mujhe kaam kuchh ziyāda hī

tere bhulane mein mera qusur itna hai

ki paD gae the mujhe kaam kuchh ziyaada hi

patthar ke jism meñ tujhe itnā kiyā talāsh

'mansūr' Dher lag ga.e ghar meñ kabāḌ ke

patthar ke jism mein tujhe itna kiya talash

'mansur' Dher lag gae ghar mein kabaD ke

qayām kartā huuñ akasr maiñ dil ke kamre meñ

ki jam na jaa.e kahīñ gard us kī chīzoñ par

qayam karta hun akasr main dil ke kamre mein

ki jam na jae kahin gard us ki chizon par

bas ek lunch hī mumkin thā jaldī jaldī meñ

use bhī jaanā thā mujh ko bhī kaam karnā thā

bas ek lunch hi mumkin tha jaldi jaldi mein

use bhi jaana tha mujh ko bhi kaam karna tha

ek patthar hai ki bas surḳh huā jaatā hai

koī pahroñ se khaḌā hai kisī dīvār ke paas

ek patthar hai ki bas surKH hua jata hai

koi pahron se khaDa hai kisi diwar ke pas