ai kaash un se 'meghā' koī bachā.e mujh ko

jo din guzar chuke vo har shaam chubh rahe haiñ

ai kash un se 'megha' koi bachae mujh ko

jo din guzar chuke wo har sham chubh rahe hain

ham apne nuqsān ke pīchhe dekheñ to

kuchh logoñ ke saaf munāfe dikhte haiñ

hum apne nuqsan ke pichhe dekhen to

kuchh logon ke saf munafe dikhte hain

paisa chāhe kam hī kamāne vaalā ho

māthā chuum ke ghar meñ aane vaalā ho

paisa chahe kam hi kamane wala ho

matha chum ke ghar mein aane wala ho

tumheñ batā.ūñ vo sāda-mizāj kitnā hai

maiñ rūThtī bhī nahīñ vo manātā rahtā hai

tumhein bataun wo sada-mizaj kitna hai

main ruThti bhi nahin wo manata rahta hai