محمد حسنان شاہ (تخلص: حسنانؔ / شاہؔ) کی پیدائش 31 دسمبر 1983 کو متحدہ عرب الامارات میں ہوئی، جہاں انھوں نے ابتدائی تعلیم حاصل کی۔ بعد ازاں اعلیٰ تعلیم کے لیے پاکستان واپس آئے۔ ان کا آبائی تعلق کوہاٹ (پاکستان) سے ہے اور اس وقت متحدہ عرب الامارات میں مقیم ہیں۔
اردو ادب سے فطری لگاؤ کے باعث ابتدا ہی سے شاعری کا شوق رہا۔ آغاز میں بغیر عروض کے کلام لکھتے رہے، لیکن وقت کے ساتھ ساتھ علمِ عروض میں دلچسپی پیدا ہوئی اور انھوں نے اپنے اشعار کو منظم اور نکھرا ہوا رنگ دینا شروع کیا۔ ان کی تخلیقات میں نظم اور نثر دونوں شامل ہیں، جنہیں وہ اپنی کتاب "اک حرفِ احساس" کے عنوان سے یکجا کر رہے ہیں۔
وہ مختلف مقامی مشاعروں میں بھی شرکت کرتے رہتے ہیں۔ فی الحال وہ اپنے منتخب کلام کی ترتیب و اشاعت پر کام کر رہے ہیں۔