Sher of Mohiuddin Waris
un ko sar pe biThānā lāzim hai
jin ke qadmoñ ke nīche jannat ho
un ko sar pe biThana lazim hai
jin ke qadmon ke niche jannat ho
khilaune vaale kī duniyā 'ajīb duniyā hai
jo ek TuuT gayā dūsrā banātā hai
khilaune wale ki duniya 'ajib duniya hai
jo ek TuT gaya dusra banata hai
tirī kuchh aaj rangat sāñvlī mā'lūm hotī hai
koī to aah siine meñ dabī mā'lūm hotī hai
teri kuchh aaj rangat sanwli ma'lum hoti hai
koi to aah sine mein dabi ma'lum hoti hai
kuchh vasl ke ādāb haiñ kuchh 'ishq kī rasmeñ
dariyā se gale milne samundar nahīñ jaatā
kuchh wasl ke aadab hain kuchh 'ishq ki rasmen
dariya se gale milne samundar nahin jata
