mundamil dil kā har ik zaḳhm huā jaatā hai

yahī sarmāya thā jo ḳhatm huā jaatā hai

mundamil dil ka har ek zaKHm hua jata hai

yahi sarmaya tha jo KHatm hua jata hai

qatl kā itnā shor huā hai

dekh rahā huuñ ḳhud ko chhū kar

qatl ka itna shor hua hai

dekh raha hun KHud ko chhu kar

sahāfiyoñ ko kahāñ hāl-e-dil sunā baiThe

ye ek baat ka.ī zāviyoñ se likkheñge

sahafiyon ko kahan haal-e-dil suna baiThe

ye ek baat kai zawiyon se likkhenge

tujh se mil kar sab se naate toḌ liye the

ham ne bādal dekh ke maTke phoḌ liye the

tujh se mil kar sab se nate toD liye the

hum ne baadal dekh ke maTke phoD liye the

ye tez dhuup hameñ kaise sāñvlā kartī

hamāre sar pe duāoñ kā shāmiyāna thā

ye tez dhup hamein kaise sanwla karti

hamare sar pe duaon ka shamiyana tha