میں وہ محروم عنایت ہوں کہ جس نے تجھ سے

ملنا چاہا تو بچھڑنے کی وبا پھوٹ پڑی

جتنی آنکھیں تھیں ساری میری تھیں

جتنے منظر تھے سب تمہارے تھے

میں خود کو سامنے تیرے بٹھا کر

خود اپنے سے گلہ کرتا رہا ہوں

مان ٹوٹے تو پھر نہیں جڑتا

بد گمانی کبھی نہ آ کے گئی

عشق وہ چار سو سفر ہے جہاں

کوئی بھی راستہ نہیں رکتا

ایک منزل ہے مختلف راہیں

رنگ ہیں بے شمار پھولوں کے

عشق تو بھی ذرا ٹکا لے کمر

دل بھی اب سو گیا ہے رات گئے

یہ جانتا ہے پلٹ کر اسے نہیں آنا

وہ اپنی زیست کی کھنچتی ہوئی کمان میں ہے

یا حسن ہے ناواقف پندار محبت

یا عشق ہی آسانیٔ اطوار میں گم ہے