durgat bane hai chaa.e meñ biscuit kī jis tarah

shādī ke baa'd logo vahī merā haal hai

durgat bane hai chae mein biscuit ki jis tarah

shadi ke ba'd logo wahi mera haal hai

din meñ to kah rahī thī ki tum mere sher ho

aur us ke baa'd ullū banāyā tamām raat

din mein to kah rahi thi ki tum mere sher ho

aur us ke ba'd ullu banaya tamam raat

do chaar manziloñ hī pe sāñseñ ukhaḌ ga.iiñ

ghuTnoñ pe hai zavāl pata chal gayā mujhe

do chaar manzilon hi pe sansen ukhaD gain

ghuTnon pe hai zawal pata chal gaya mujhe

bachchoñ se muñh ko moḌ ke begam to so ga.iiñ

sū-sū har ik ko maiñ ne karāyā tamām raat

bachchon se munh ko moD ke begam to so gain

su-su har ek ko main ne karaya tamam raat

us ne thāne meñ rapaT kuchh aisī likhvā.ī ki bas

phir police ne kī mirī aisī pazīrā.ī ki bas

us ne thane mein rapaT kuchh aisi likhwai ki bas

phir police ne ki meri aisi pazirai ki bas

khā kar ye haal ho gayā hotel kī roTiyāñ

jaise ki haDDiyoñ pe mañDhī merī khaal hai

kha kar ye haal ho gaya hotel ki roTiyan

jaise ki haDDiyon pe manDhi meri khaal hai

vo motiyoñ se daañt vo lambe siyāh baal

naqlī thā saarā maal pata chal gayā mujhe

wo motiyon se dant wo lambe siyah baal

naqli tha sara mal pata chal gaya mujhe

āj-kal kirdār kā me.aar bhī daulat se hai

itnī sastī ho ga.ī dastār-o-dānā.ī ki bas

aaj-kal kirdar ka mear bhi daulat se hai

itni sasti ho gai dastar-o-danai ki bas