ghuTan taḌpan udāsī ashk rusvā.ī akelā-pan

baġhair in ke adhūrī ishq kī har ik kahānī hai

ghuTan taDpan udasi ashk ruswai akela-pan

baghair in ke adhuri ishq ki har ek kahani hai

hai jin ke bāzuoñ meñ dam vo dariyā paar kar leñge

bahut mumkin hai Dūbeñ vo jo baiThe haiñ safīne meñ

hai jin ke bazuon mein dam wo dariya par kar lenge

bahut mumkin hai Duben wo jo baiThe hain safine mein

mujhe raas vīrāniyāñ aa ga.ī haiñ

tirī yaad bhī ab satātī nahīñ hai

mujhe ras viraniyan aa gai hain

teri yaad bhi ab satati nahin hai

mushkiloñ meñ muskurānā sīkhiye

phuul banjar meñ ugānā sīkhiye

mushkilon mein muskurana sikhiye

phul banjar mein ugana sikhiye

sochtā huuñ ye soch kar maiñ use

vo bhī aise hī sochtā hai mujhe

sochta hun ye soch kar main use

wo bhi aise hi sochta hai mujhe