isī falak se utartā hai ye añdherā bhī

ye raushnī bhī isī āsmāñ se aatī hai

isi falak se utarta hai ye andhera bhi

ye raushni bhi isi aasman se aati hai

ye kis kā chehra damaktā hai merī āñkhoñ meñ

ye kis kī yaad mujhe kahkashāñ se aatī hai

ye kis ka chehra damakta hai meri aankhon mein

ye kis ki yaad mujhe kahkashan se aati hai

shaam hotī hai to merā hī fasāna aksar

vo jo TuuTā huā taarā hai sunātā hai mujhe

sham hoti hai to mera hi fasana aksar

wo jo TuTa hua tara hai sunata hai mujhe

pahle chiñgārī se ik shola banātā hai mujhe

phir vahī tez havāoñ se Darātā hai mujhe

pahle chingari se ek shola banata hai mujhe

phir wahi tez hawaon se Daraata hai mujhe

zindagī ik ḳhvāb hai ye ḳhvāb kī tābīr hai

halqa-e-gesu-e-duniyā paañv kī zanjīr hai

zindagi ek KHwab hai ye KHwab ki tabir hai

halqa-e-gesu-e-duniya panw ki zanjir hai