Pandit Daya Shankar Naseem lakhnavi's Photo'

Pandit Daya Shankar Naseem lakhnavi

1811 - 1845 | Lucknow, India

One of the most celebrated 19th century Lucknow poets, author of the renowned masnavi gulzaar-e-naseem

One of the most celebrated 19th century Lucknow poets, author of the renowned masnavi gulzaar-e-naseem

233
Favorite

SORT BY

laa.e us but ko iltijā kar ke

kufr TuuTā ḳhudā ḳhudā kar ke

lae us but ko iltija kar ke

kufr TuTa KHuda KHuda kar ke

dozaḳh o jannat haiñ ab merī nazar ke sāmne

ghar raqīboñ ne banāyā us ke ghar ke sāmne

dozaKH o jannat hain ab meri nazar ke samne

ghar raqibon ne banaya us ke ghar ke samne

butoñ galī chhoḌ kar kaun jaa.e

yahīñ se hai ka.aba ko sajda hamārā

buton ki gali chhoD kar kaun jae

yahin se hai kaba ko sajda hamara

samjhā hai haq ko apne jānib har ek shaḳhs

ye chāñd us ke saath chalā jo jidhar gayā

samjha hai haq ko apne hi jaanib har ek shaKHs

ye chand us ke sath chala jo jidhar gaya

kyā lutf jo ġhair parda khole

jaadū vo jo sar pe chaḌh ke bole

kya lutf jo ghair parda khole

jadu wo jo sar pe chaDh ke bole

jab na jīte-jī mire kaam aa.egī

kyā ye duniyā āqibat baḳhshvā.egī

jab na jite-ji mere kaam aaegi

kya ye duniya aaqibat baKHshwaegi

junūñ chāk-zanī ne asar kiyā vaañ bhī

jo ḳhat meñ haal likhā thā vo ḳhat haal huā

junun ki chaak-zani ne asar kiya wan bhi

jo KHat mein haal likha tha wo KHat ka haal hua

jab mile do dil muḳhil phir kaun hai

baiTh jaao ḳhud hayā uTh jā.egī

jab mile do dil muKHil phir kaun hai

baiTh jao KHud haya uTh jaegi

chalā duḳhtar-e-raz ko le kar jo saaqī

farishta hue saath ghar dekhne ko

chala duKHtar-e-raz ko le kar jo saqi

farishta hue sath ghar dekhne ko

kūcha-e-jānāñ miltī thī na raah

band kiiñ āñkheñ to rasta khul gayā

kucha-e-jaanan ki milti thi na rah

band kin aankhen to rasta khul gaya

makān siine paatā huuñ dam-ba-dam ḳhālī

nazar bachā ke ai dil kidhar ko jaatā hai

makan sine ka pata hun dam-ba-dam KHali

nazar bacha ke tu ai dil kidhar ko jata hai

jo din ko niklo to ḳhurshīd gird-e-sar ghūme

chalo jo shab ko to qadmoñ pe māhtāb gire

jo din ko niklo to KHurshid gird-e-sar ghume

chalo jo shab ko to qadmon pe mahtab gire

sub.h-dam ġhā.eb hue 'anjum' to sābit ho gayā

ḳhanda-e-behūda par toḌe ga.e dandān-e-sub.h

subh-dam ghaeb hue 'anjum' to sabit ho gaya

KHanda-e-behuda par toDe gae dandan-e-subh

ma.anī-e-raushan jo hoñ to sau se behtar ek sher

matla-e-ḳhurshīd kaafī hai pa.e-dīvān-e-sub.h

mani-e-raushan jo hon to sau se behtar ek sher

matla-e-KHurshid kafi hai pae-diwan-e-subh