āshnā nazreñ to kab kī ho ga.iiñ nā-āshnā

phir bhī aadat sī hai āte-jāte vo ghar dekhnā

aashna nazren to kab ki ho gain na-ashna

phir bhi aadat si hai aate-jate wo ghar dekhna

fikr terī Thiik par merī anā kā bhī to soch

duur se bas dekh le zaḳhmoñ ko mere chhū nahīñ

fikr teri Thik par meri ana ka bhi to soch

dur se bas dekh le zaKHmon ko mere chhu nahin

kiije iz.hār-e-mohabbat chāhe jo anjām ho

zindagī meñ zindagī jaisā koī to kaam ho

kije izhaar-e-mohabbat chahe jo anjam ho

zindagi mein zindagi jaisa koi to kaam ho

murda āñkheñ dekhne se baḌh ke vahshat-nāk hai

zinda āñkhoñ meñ kisī kī maut kā Dar dekhnā

murda aankhen dekhne se baDh ke wahshat-nak hai

zinda aankhon mein kisi ki maut ka Dar dekhna

tujh ko pā kar bhī tujhe paane kī ḳhvāhish hai abhī

mere dariyā tū alag terī ravānī hai alag

tujh ko pa kar bhi tujhe pane ki KHwahish hai abhi

mere dariya tu alag teri rawani hai alag