رفیق احمد نقش کے ذریعے کیے گئے تراجم
چیف کی دعوت
ایک ماں کی ممتا اور ایک بیٹے کی خود غرضی کی انتہاؤں کو بیان کرتی ہوئی عمدہ کہانی ہے۔ ماں جس نے بیٹے کی تعلیم کے لیے اپنے زیور تک بیچ دیے ہیں، اس کا بیٹا اپنے چیف کی آمد پر اسے ایک کباڑ کی طرح کوٹھری میں بند کر دینا چاہتا ہے لیکن جب چیف کا سامنا ماں سے ہو جاتا ہے تو چیف بہت اپنائیت سے ماں سے بات چیت کرتا ہے۔ اس سے دیہاتی گیت سنتا ہے اور پنجاب کے گاؤں کی دستکاری کے بارے میں پوچھتا ہے۔ بیٹا بڑھ کر بتا دیتا ہے کہ یہاں کی پھلکاری بہت مشہور ہے اور وہ ماں سے بنوا کر دے دے گا۔ ماں اپنی بینائی کی کمزوری بیان کرتی ہے تو بیٹا اپنی ترقی کی بات کرکے اس کی ممتا کو اکسا دیتا ہے اور وہ پھلکاری بنانے کے لیے تیار ہو جاتی ہے۔
