دیمک

ایک ایسے لڑکے کی کہانی ہے جو اپنے والد سے ناراض ہو کر ایک شہر میں ملازمت کرنے چلا آیا تھا۔ وہ اپنے والد کی عادتوں سے پہلے بھی نالاں تھا اور ماں کے انتقال کے بعد جب ایک دن وہ گرفتار ہو گئے تو اس کی نفرتوں میں اضافہ ہو گیا۔ جس دن وہ رہا ہو کر واپس آئے اسی دن وہ معمولی سا سامان لے کر گھر سے نکل پڑا اور اس کے والد اس کو روکنے کی ہمت بھی نہ کر سکے۔ آٹھ سال بعد اچانک وہ بیٹے کے کمرے پر پہنچ جاتے ہیں اور بارہ دن رک کر اچانک ایک دن چلے جاتے ہیں۔ بیٹے کو کمرے میں رکھے ہوئے خط سے پتہ چلتا ہے کہ وہ ماں کی وہ صندوقچی دینے آئے تھے جس میں اس کے گہنے رکھے ہوئے تھے اور بچپن میں جب وہ ماں سے ان گہنوں کو دیکھنے کی ضد کیا کرتا تھا تو ماں کہتی تھی تیری دلہن کے لیے ہی تو ہیں۔