jalā hai parda-e-shab meñ hujūm-e-parvāna

barahna sham' magar be-qarār hai ab tak

jala hai parda-e-shab mein hujum-e-parwana

barahna sham' magar be-qarar hai ab tak

sar-e-ḳhāmushī ye sajāvaTeñ usī rang-o-bū kī misāl haiñ

jo mahak ho qabr ke phuul meñ jo chamak ho sham'-e-mazār meñ

sar-e-KHamushi ye sajawaTen usi rang-o-bu ki misal hain

jo mahak ho qabr ke phul mein jo chamak ho sham'-e-mazar mein

chappa chappa konā konā shahr kā ham ne chhānā hai

vaqt ne karvaT badlī ab har moḌ yahāñ an-jānā hai

chappa chappa kona kona shahr ka hum ne chhana hai

waqt ne karwaT badli ab har moD yahan an-jaana hai

jab zabāñ rakkhī hai maiñ ne halqa-e-zanjīr meñ

tab kahīñ aa.ī hai shiddat she'r kī tāsīr meñ

jab zaban rakkhi hai main ne halqa-e-zanjir mein

tab kahin aai hai shiddat she'r ki tasir mein

hijābāna aa kar vo chalte bane

mujhe 'ishq kā vasvasa rah gayā

hijabana aa kar wo chalte bane

mujhe 'ishq ka waswasa rah gaya

tirā ye zābta-e-ehtijāj achchhā hai

ki ranj ho ke bhī kahnā mizāj achchhā hai

tera ye zabta-e-ehtijaj achchha hai

ki ranj ho ke bhi kahna mizaj achchha hai

shafaq kā rang sukūñ hai sahar ke chehre par

ki gesū-e-shab-e-ġham be-qarār hai ab tak

shafaq ka rang sukun hai sahar ke chehre par

ki gesu-e-shab-e-gham be-qarar hai ab tak

kisī se mil ke kisī ko burā sā lagtā hai

baḌā gunāh hai garche zarā sā lagtā hai

kisi se mil ke kisi ko bura sa lagta hai

baDa gunah hai garche zara sa lagta hai

rābte TuuTe haiñ rishte rah ga.e haiñ naam ke

talḳhiyāñ haa.el diloñ ke darmiyāñ hotī ga.iiñ

rabte TuTe hain rishte rah gae hain nam ke

talKHiyan hael dilon ke darmiyan hoti gain