یہ خود نوشت تو مجھ کو ادھوری لگتی ہے

جو ہو سکے تو نیا انتساب مانگوں میں

کچھ لوگ تھے سفر میں مگر ہم زباں نہ تھے

ہے لطف گفتگو کا جو اپنی زباں میں ہو

میں اپنے سارے سوالوں کے جانتا ہوں جواب

مرا سوال مرے ذہن کی شرارت ہے

میں دور دور سے خود کو اٹھا کے لاتا رہا

کہ ٹوٹ جاؤں تو پھر دور تک بکھرتا ہوں

ابتدا مجھ میں انتہا مجھ میں

اک مکمل ہے واقعہ مجھ میں

تو میری تشنہ لبی پر سوال کرتا ہے

سمندروں پہ بنایا تھا اپنا گھر میں نے

جب آئینے در و دیوار پر نکل آئیں

تو شہر ذات میں رہنا بھی اک قیامت ہے

چیزیں اپنی جگہ پہ رہتی ہیں

تیرگی بس انہیں چھپاتی ہے