jab tak ki tū ġhazal meñ utārī na jā.egī

bistar pe aaj raat guzārī na jā.egī

jab tak ki tu ghazal mein utari na jaegi

bistar pe aaj raat guzari na jaegi

maiñ irtiqā.ī manāzir kī ik nishānī huuñ

mujhe sukūn se jiine do saañs lene do

main irtiqai manazir ki ek nishani hun

mujhe sukun se jine do sans lene do

roz ke roz badaltā huuñ maiñ ḳhud apnā javāz

zindagānī maiñ tujhe hal nahīñ hone detā

roz ke roz badalta hun main KHud apna jawaz

zindagani main tujhe hal nahin hone deta

kabhī to mimbar-o-mehrāb tak bhī aa.egā

ye qahr qahr ke asbāb tak bhī aa.egā

kabhi to mimbar-o-mehrab tak bhi aaega

ye qahr qahr ke asbab tak bhi aaega