ہوا کی زد میں پتے کی طرح تھا

وہ اک زخمی پرندے کی طرح تھا

زرد پتے میں کوئی نقطۂ سبز

اپنے ہونے کا پتا کافی ہے

باتوں میں ہے اس کی زہر تھوڑا

تھوڑا سا مزا شراب جیسا

ان کہی کہہ ان سنی باتیں سنا

رہ گیا جو کچھ بھی سوچا سوچ لے

اسے پتا ہے کہ رکتی نہیں ہے چھانو کبھی

تو پھر وہ ابر کو کیوں سائباں سمجھتا ہے

آگ بھی برسی درختوں پر وہیں

کال بستی میں جہاں پانی کا تھا

وہم و خرد کے مارے ہیں شاید سب لوگ

دیکھ رہا ہوں شیشے کے گھر چاروں اور

کب تک ان آوارہ موجوں کا تماشا دیکھنا

گن چکے ہو ساعتوں کے تار تو واپس چلو