daraḳht shab charāġh aur tīrgī

tumhāre baad sab se dostī huī

daraKHt shab charagh aur tirgi

tumhaare baad sab se dosti hui

daraḳht TūTte pattoñ kā dukh samajhte haiñ

unheñ bhī shāmil-e-yārān-e-ġham kiyā jaa.e

daraKHt TuTte patton ka dukh samajhte hain

unhen bhi shamil-e-yaran-e-gham kiya jae

mujhe sukūñ nahīñ detī haiñ ab tirī yādeñ

ab in diyoñ se bahut tīrgī nikaltī hai

mujhe sukun nahin deti hain ab teri yaaden

ab in diyon se bahut tirgi nikalti hai

maiñ puure din kī thakan ghar meñ le ke aayā huuñ

udāsiyo mujhe phir tāza-dam kiyā jaa.e

main pure din ki thakan ghar mein le ke aaya hun

udasiyo mujhe phir taza-dam kiya jae

tire badan ko chhū rahī thiiñ uñgliyāñ

hatheliyoñ meñ tez raushnī huī

tere badan ko chhu rahi thin ungliyan

hatheliyon mein tez raushni hui