daraḳht shab charāġh aur tīrgī

tumhāre baad sab se dostī huī

daraKHt shab charagh aur tirgi

tumhaare baad sab se dosti hui

mujhe sukūñ nahīñ detī haiñ ab tirī yādeñ

ab in diyoñ se bahut tīrgī nikaltī hai

mujhe sukun nahin deti hain ab teri yaaden

ab in diyon se bahut tirgi nikalti hai

daraḳht TūTte pattoñ kā dukh samajhte haiñ

unheñ bhī shāmil-e-yārān-e-ġham kiyā jaa.e

daraKHt TuTte patton ka dukh samajhte hain

unhen bhi shamil-e-yaran-e-gham kiya jae

vo jab bhī raat ko chhat par Tahalne jaatā hai

bahut jhijhakte hue chāñdnī nikaltī hai

wo jab bhi raat ko chhat par Tahalne jata hai

bahut jhijhakte hue chandni nikalti hai

tire badan ko chhū rahī thiiñ uñgliyāñ

hatheliyoñ meñ tez raushnī huī

tere badan ko chhu rahi thin ungliyan

hatheliyon mein tez raushni hui

maiñ puure din kī thakan ghar meñ le ke aayā huuñ

udāsiyo mujhe phir tāza-dam kiyā jaa.e

main pure din ki thakan ghar mein le ke aaya hun

udasiyo mujhe phir taza-dam kiya jae

'ishq vaale bhī 'ajab haiñ ki jahāñ bhī jaa.eñ

sab se pahle vahāñ ḳhushbū kī dukāñ DhūñDhte haiñ

'ishq wale bhi 'ajab hain ki jahan bhi jaen

sab se pahle wahan KHushbu ki dukan DhunDhte hain