judā.ī se ziyāda jān-levā

mohabbat meñ mohabbat kī kamī hai

judai se ziyaada jaan-lewa

mohabbat mein mohabbat ki kami hai

kabhī ye ġham thā ki samjhā nahīñ koī ham ko

aur ab ye Dar ki kisī ne samajh liyā hī na ho

kabhi ye gham tha ki samjha nahin koi hum ko

aur ab ye Dar ki kisi ne samajh liya hi na ho

ye jahāñ ek tamāshā hai sabhī kahte haiñ

tum na hote to ise ham bhī tamāshā kahte

ye jahan ek tamasha hai sabhi kahte hain

tum na hote to ise hum bhi tamasha kahte

vo mire bas ko kaise samjhegā

jo mirī bebasī ko samjhā nahīñ

wo mere bas ko kaise samjhega

jo meri bebasi ko samjha nahin

kitāb-e-ishq meñ saa.e kā matlab

dar-o-dīvār kā saaya nahīñ hai

kitab-e-ishq mein sae ka matlab

dar-o-diwar ka saya nahin hai