zarā chashm-e-karam se dekh lo tum

sahārā DhūñDhtā huuñ zindagī kā

zara chashm-e-karam se dekh lo tum

sahaara DhunDhta hun zindagi ka

ye mājrā-e-mohabbat samajh meñ aa na sakā

vo haath aa.e to maiñ haath unheñ lagā na sakā

ye majra-e-mohabbat samajh mein aa na saka

wo hath aae to main hath unhen laga na saka

rone ke badle apnī tabāhī pe hañs diyā

'shākir' ne is tarah gila-e-āsmāñ kiyā

rone ke badle apni tabahi pe hans diya

'shakir' ne is tarah gila-e-asman kiya

qasam hī nahīñ hai faqat is kā sheva

taġhāful bhī hai ek andāz us kā

qasam hi nahin hai faqat is ka shewa

taghaful bhi hai ek andaz us ka