terī āñkheñ jise chāheñ use apnā kar leñ

kaash aisā hī sikhā deñ koī afsūñ mujh ko

teri aankhen jise chahen use apna kar len

kash aisa hi sikha den koi afsun mujh ko

is parde meñ ye husn kā aalam hai ilāhī

be-parda vo ho jaa.eñ to kyā jāniye kyā ho

is parde mein ye husn ka aalam hai ilahi

be-parda wo ho jaen to kya jaaniye kya ho

allāh allāh ḳhusūsiyyat-e-zāt-e-hasnain

saarī ummat ke haiñ potoñ se navāse baḌh kar

allah allah KHususiyyat-e-zat-e-hasnain

sari ummat ke hain poton se nawase baDh kar

dil meñ mire jigar meñ mire aañkh meñ mirī

har jā hai dost aur nahīñ miltī hai jā-e-dost

dil mein mere jigar mein mere aankh mein meri

har ja hai dost aur nahin milti hai ja-e-dost

hazrat-e-nāseh bhī mai piine lage

ab mujhe samjhāne vaalā kaun thā

hazrat-e-naseh bhi mai pine lage

ab mujhe samjhane wala kaun tha