نام شمس الدین اور شارق تخلص ہے۔۱۹۳۴ء میں موضع سکھ پورہ، ضلع بلیا(یوپی) میں پیدا ہوئے۔ مڈل تک تعلیم گاؤں میں حاصل کی۔بعد ازاں کلکتہ چلے گئے اور وہیں سے بی اے کیا۔آج کل کراچی میں سکونت پذیر ہیں۔بچپن ہی سے اچھی اور پیاری دھنیں یاد کرلیتے تھے اور انھیں گنگناتے رہتے تھے۔ بعض اوقات ان دھنوں پر بول فٹ کرلیتے اور گنگنانے لگتے۔ اس طرح موزوں با وزن شعر کہنے لگے۔ ہاوڑہ میں حضرت غواص قریشی سے تلمذ حاصل ہے جو رضا علی وحشت کلکتوی کے ہم عصر تھے۔ ان کی تصانیف کے نام یہ ہیں:’ بے گمان‘، ’زخم کی خوش بو‘، ’آس بے آس‘، ’یادوں کا عکس‘، ’عقیدت کے پھول‘(حمدونعت کا مجموعہ)۔ بحوالۂ:پیمانۂ غزل(جلد دوم)،محمد شمس الحق،صفحہ:287