ik umr tak maiñ us kī zarūrat banā rahā

phir yuuñ huā ki us kī zarūrat badal ga.ī

ek umr tak main us ki zarurat bana raha

phir yun hua ki us ki zarurat badal gai

badlā jo vaqt gahrī rifāqat badal ga.ī

sūraj Dhalā to saa.e kī sūrat badal ga.ī

badla jo waqt gahri rifaqat badal gai

suraj Dhala to sae ki surat badal gai

hamāre paas sunāne ko kuchh nahīñ 'fahmī'

hameñ to ḳhvāb bhī dekhe hue zamāna huā

hamare pas sunane ko kuchh nahin 'fahmi'

hamein to KHwab bhi dekhe hue zamana hua

zarā shādāb honā chāhte haiñ

hameñ rone do ronā chāhte haiñ

zara shadab hona chahte hain

hamein rone do rona chahte hain

vo ek shaḳhs kisī taur jo mirā na huā

mirī balā se kisī kā huā huā na huā

wo ek shaKHs kisi taur jo mera na hua

meri bala se kisi ka hua hua na hua