bolīñ ki kaam karne kī ḳhūgar nahīñ huuñ maiñ

biivī huuñ aap kī koī shauhar nahīñ huuñ maiñ

bolin ki kaam karne ki KHugar nahin hun main

biwi hun aap ki koi shauhar nahin hun main

pī ga.ī thī ghol kar 'āzād' kī āb-e-hayāt

tab kahīñ ghar meñ mire tujh sā pisar paidā huā

pi gai thi ghol kar 'azad' ki aab-e-hayat

tab kahin ghar mein mere tujh sa pisar paida hua

saaqī kā aur sharāb kā ho zikr baar baar

zāhid ko bhuul kar na kabhī pārsā likheñ

saqi ka aur sharab ka ho zikr bar bar

zahid ko bhul kar na kabhi parsa likhen

chāhte to the mire aġhyār tū paidā na ho

phir bhī ye himmat hai terī tū agar paidā huā

chahte to the mere aghyar tu paida na ho

phir bhi ye himmat hai teri tu agar paida hua

khānā khulne kā hī elaan agar farmā deñ

ham ye samjheñge ki taqrīr-e-sadārat baḳhshī

khana khulne ka hi elan agar farma den

hum ye samjhenge ki taqrir-e-sadarat baKHshi

mumkin nahīñ ġhazab se bacheñ ham janāb ke

bālishtiyoñ ko bhī na agar sarv sā likheñ

mumkin nahin ghazab se bachen hum janab ke

baalishtiyon ko bhi na agar sarw sa likhen

facebōk hī āj-kal chaupāl hai

chauk par milte kahāñ haiñ chaar dost

facebook hi aaj-kal chaupal hai

chauk par milte kahan hain chaar dost