maiñ akelā rah gayā to maiñ ne kuchh rishte banā.e

maiñ ne kuchh rishte banā.e maiñ akelā rah gayā

main akela rah gaya to main ne kuchh rishte banae

main ne kuchh rishte banae main akela rah gaya

ham numū paate rahe haiñ apnī himmat se ‘sho’aib’

pattharoñ meñ ugne vaale aur kitne sabz hoñ

hum numu pate rahe hain apni himmat se ‘sho’aib’

pattharon mein ugne wale aur kitne sabz hon

ulTā mujh ko hī uThā leñge uThāne vaale

lāpata pyāroñ ke baare meñ agar pūchhūñgā

ulTa mujh ko hi uTha lenge uThane wale

lapata pyaron ke bare mein agar puchhunga

kuchh mas.ala to tere jahāñ meñ zarūr hai

jaañ lag ga.ī hamārī magar jī lagā nahīñ

kuchh masala to tere jahan mein zarur hai

jaan lag gai hamari magar ji laga nahin

un se ḳhudā ko chhīn ke badle meñ kuchh to do

vo jin ke paas kuchh bhī ḳhudā ke sivā nahīñ

un se KHuda ko chhin ke badle mein kuchh to do

wo jin ke pas kuchh bhi KHuda ke siwa nahin

marte rahnā mirā har roz yuuñ thoḌā thoḌā

qatl hai jis ko maiñ sābit nahīñ kar pā.ūñgā

marte rahna mera har roz yun thoDa thoDa

qatl hai jis ko main sabit nahin kar paunga