اتنا نور کہاں سے لاؤں تاریکی کے اس جنگل میں

دو جگنو ہی پاس تھے اپنے جن کو ستارہ کر رکھا ہے

کیا ختم نہ ہوگی کبھی صحرا کی حکومت

رستے میں کہیں تو در و دیوار بھی آئے

یہ ایک سایہ غنیمت ہے روک لو ورنہ

یہ روشنی کے بدن سے لپٹنے والا ہے

تمہارے خواب لوٹانے پہ شرمندہ تو ہیں لیکن

کہاں تک اتنے خوابوں کی نگہبانی کریں گے ہم

میاں بازار کو شرمندہ کرنا کیا ضروری ہے

کہیں اس دور میں تہذیب کے زیور بدلتے ہیں

مری تلاش میں وہ بھی ضرور آئے گا

سو میں بھی چشم خریدار سے نکلتا ہوں

تجھے شناخت نہیں ہے مرے لہو کی کیا

میں روز صبح کے اخبار سے نکلتا ہوں

مری تلاش میں اس پار لوگ جاتے ہیں

مگر میں ڈوب کے اس پار سے نکلتا ہوں

کدھر ڈبو کے کہاں پر ابھارتا ہے تو

یہ کیسا رنگ ہے دریا تری روانی کا

خود سے فرار اتنا آسان بھی نہیں ہے

سائے کریں گے پیچھا کوئی کہیں سے نکلے