nasha kar leñ nashe kāTeñ manā.eñ hijr yādoñ kā

hameñ maañ baap ne is vāste thoḌe hī paalā thā

nasha kar len nashe kaTen manaen hijr yaadon ka

hamein man bap ne is waste thoDe hi pala tha

maañ ḳhush hai ki āḳhir bachche siikh ga.e haiñ ḳhush rahnā

bachche ḳhush haiñ siikh ga.e haiñ dard chhupānā achchhe se

man KHush hai ki aaKHir bachche sikh gae hain KHush rahna

bachche KHush hain sikh gae hain dard chhupana achchhe se

maiñ vo to bhuul baiThā huuñ jo mujh ko yaad rakhnā thā

magar jo bhuul jaanā thā mujhe vo yaad hai ab tak

main wo to bhul baiTha hun jo mujh ko yaad rakhna tha

magar jo bhul jaana tha mujhe wo yaad hai ab tak

mujhe nafrat thī jis kirdār se ab tak kahānī meñ

usī kirdār ke marne pe ab rone lagā huuñ maiñ

mujhe nafrat thi jis kirdar se ab tak kahani mein

usi kirdar ke marne pe ab rone laga hun main

ye āḳhir hai ye āḳhir hai ye āḳhir hai ye āḳhir

us ke har ik zulm ko maiñ ne āḳhir samjhā bhuul huī

ye aaKHir hai ye aaKHir hai ye aaKHir hai ye aaKHir

us ke har ek zulm ko main ne aaKHir samjha bhul hui