shāḳh se toḌ ke guldān meñ rakkhā ham ko

aur phir us pe hidāyat ki mahakte rahnā

shaKH se toD ke guldan mein rakkha hum ko

aur phir us pe hidayat ki mahakte rahna

maiñ ne iz.hār-e-mohabbat meñ use phuul diyā

aur vo rakh ke kitāboñ meñ kahīñ bhuul ga.ī

main ne izhaar-e-mohabbat mein use phul diya

aur wo rakh ke kitabon mein kahin bhul gai

maiñ chāhtā huuñ koī naqsh vasl kā ubhre

ai rang-e-husn mire dil ke canvas pe baras

main chahta hun koi naqsh wasl ka ubhre

ai rang-e-husn mere dil ke canwas pe baras

vo māhtāb-sifat is liye rakhā dil meñ

ki raushnī bhī zarūrī thī is mahal ke liye

wo mahtab-sifat is liye rakha dil mein

ki raushni bhi zaruri thi is mahal ke liye