pahle bhī jis pe mire sabr kī had ḳhatm huī

tū ne kar dī nā vahī baat dobāra mire dost

pahle bhi jis pe mere sabr ki had KHatm hui

tu ne kar di na wahi baat dobara mere dost

jaise maiñ dostoñ se hañs ke gale miltā huuñ

koī ma.amūlī adākār nahīñ kar saktā

jaise main doston se hans ke gale milta hun

koi mamuli adakar nahin kar sakta

tumhārī baat se itnā bhī dukh nahīñ pahuñchā

magar jo pahuñchā tumhārī vazāhatoñ se mujhe

tumhaari baat se itna bhi dukh nahin pahuncha

magar jo pahuncha tumhaari wazahaton se mujhe

hijr hogā na koī hijr kā nauha hogā

baaz aate haiñ mohabbat se jo hogā hogā

hijr hoga na koi hijr ka nauha hoga

baz aate hain mohabbat se jo hoga hoga

maiñ jo kahtā huuñ mujh se duur raho

ye nasīhat hai iltimās nahīñ

main jo kahta hun mujh se dur raho

ye nasihat hai iltimas nahin

ek do baar to rokūñgā muravvat meñ tujhe

saikaḌoñ baar to isrār nahīñ kar saktā

ek do bar to rokunga murawwat mein tujhe

saikaDon bar to israr nahin kar sakta

quvvat-e-fikr bhī dī aise ki ik had meñ raho

ya.anī be-kār samajhdār banā.e ga.e ham

quwwat-e-fikr bhi di aise ki ek had mein raho

yani be-kar samajhdar banae gae hum

hamārī baat kaaTī jā rahī hai

kisī kā hausla baḌhtā rahā hai

hamari baat kaTi ja rahi hai

kisi ka hausla baDhta raha hai

baaġh meñ ek bhī phuul ek bhī phal ke hote

tū mujhe ziist se bezār nahīñ kar saktā

bagh mein ek bhi phul ek bhi phal ke hote

tu mujhe zist se bezar nahin kar sakta

savāl-e-vasl pe ik baar aur ġhaur kareñ

bajā ki soch liyā hai durust hai phir bhī

sawal-e-wasl pe ek bar aur ghaur karen

baja ki soch liya hai durust hai phir bhi

vo kah rahā thā burā.ī burā.ī jantī hai

so us ke vāste le kar kañval gayā huuñ maiñ

wo kah raha tha burai burai janti hai

so us ke waste le kar kanwal gaya hun main